عالمِ اسلام کو ماہِ صیام کی پیشگی تیاری کا مشورہحضرت مولانا صوفی خواجہ سید مرتضیٰ علی حسینیؒ کا علماء کرام، مشائخ عِظام کے اجتماع سے خطابقاضی محمد خلیل احمد شطاری حیدرآباد خلافت سے سرفراز

عالمِ اسلام کو ماہِ صیام کی پیشگی تیاری کا مشورہ
حضرت مولانا صوفی خواجہ سید مرتضیٰ علی حسینیؒ کا علماء کرام، مشائخ عِظام کے اجتماع سے خطاب
قاضی محمد خلیل احمد شطاری حیدرآباد خلافت سے سرفراز
عثمان آباد ( مہاراشٹرا ) قطبُ الاقطاب حضرت سیدنا خواجہ نظام الدین اولیاء محبوب الہیؒ دہلی کے خلیفہء مُجاز حضرت خواجہ شمس الدین غازیؒ عثمان آباد مہارا شٹرا کے سجادہ نشین و موروثی متولی  سیّاحِ عالم ، صوفیٔ با صفاء ، ولیٔ برحق ، ابوالمشائخ حضرت مولانا الحاج صوفی خواجہ سید مرتضیٰ علی حسینی المعروف صوفی افسر علی پاشاہ صاحب قبلہ مدظلہ ( چشتی ، قادری ، نقشبندی ، جامع السلاسل ) نے عالمِ اسلام کے مسلمانوں کو تلقین کی ہے کہ وہ ماہِ صیام المبارک کی تیاری اسی ماہ مقدس سے شروع کر دیں ۔حضرت قبلہ نے مسلمانوں پر زور دیتے ہوئے فرمایا کہ نمازِ پنجگانہ باجماعت کی پابندی کی جائے ، ماہ رمضان المبارک میں بیس رکعت تراویح اہتمام کے ساتھ ادا کی جائیں ، نماز تہجد ، اشراق ، چاشت اور اوابین کو معمول بنایا جائے تاکہ قرب الہی حاصل ہوسکے ، قرآنِ حکیم کی تلاوت ترجمہ کے ساتھ کی جائے ، درودِ شریف کی کثرت کی جائے اور ہر صبح و شام ذکرِ الٰہی میں مشغول رہا جائے اس امر کا انکشاف انہوں نے کل بعد نمازِ ظہر علماءِ کرام اور مشائخِ عظام کے ایک عظیم الشان نمائندہ اجتماع سے طویل خطاب کے دوران کیا ۔ اپنے پُراثر خطاب میں حضرت قبلہ خواجہ صوفی سید افسرعلی پاشاہ نے روحانی اصلاح ، شریعت و طریقت کی اہمیت اور باطنی پاکیزگی پر تفصیل سے روشنی ڈالی ۔ اس موقع پر مؤظف آر ٹی او جناب محترم قاضی محمد خلیل احمد صاحب شطاری مؤظف آرٹی اُو کو حضرت مولانا صوفی خواجہ سید مرتضیٰ علی حسینی صاحب قبلہ حفظہ اللہ حصرت صوفی  افسر پاشاہ صاحب مدظلہ نے 11765 سلاسل میں خلافت سے سرفراز فرمایا ، جس پر حاضرینِ محفل نے خوشی و مسرت کا اظہار کیا۔
اس روح پرور اجتماع میں نبیرۂ کعبۂ دکن حضرت سیدنا خواجہ بندہ نواز گیسو درازؒ، حضرت سید شاہ رحمت محمد الحسینی المعروف رحمت بابا صاحب قبلہ ( چشتی، قادری، نقشبندی، سہروردی ، جامع السلاسل )، بھارت سیوا رتن ایوارڈ یافتہ اسدالعلماء تنویرِ صحافت مولانا محمد محسن پاشاہ انصاری قادری نقشبندی مجددی ، مولوی کامل الحدیث جامعہ نظامیہ و جنرل سیکریٹری کُل ہند سنی علماء مشائخ بورڈ محبوب نگر تلنگانہ ، الحاج محمد عبدالمبین انصاری قادری ابوالعلائی جہانگیری جامع السلاسل محبوب نگر، الحاج محمد عبدالباری انصاری نقشبندی مجددی قادری مداری جامع السلاسل محبوب نگر کے علاوہ دیگر علماء ، مشائخ اور معزز شخصیات بڑی تعداد میں موجود تھیں۔
اجتماع کا اختتام دعا پر ہوا جس میں عالمِ اسلام کی سلامتی ، اتحادِ امت اور ملک و ملت کی ترقی و خوش حالی کے لئے خصوصی دعائیں کی گئیں۔

تبصرے

ایک تبصرہ شائع کریں

اس بلاگ سے مقبول پوسٹس

بانگی حیات باشاہ صاحب اسکول کے معلم جناب احسان اللہ رومی کے عمرہ سفر پر دعائیہ تقریب

تصویر
بانگی حیات باشاہ صاحب اسکول کے معلم جناب احسان اللہ رومی کے عمرہ سفر پر دعائیہ تقریب   آمبور (نمائندہ خصوصی): بانگی حیات باشاہ صاحب اسکول و مدرسۂ دینات، شہرِ آمبور کے قدیم اور معروف اردو تعلیمی اداروں میں شمار ہوتے ہیں جو بانگی پرویز اکبر صاحب کی سرپرستی میں تعلیمی و دینی خدمات انجام دے رہے ہیں۔ اسی ادارے کے معلم جناب احسان اللہ رومی اپنے اہلِ خانہ کے ہمراہ عمرہ کے مقدس سفر پر روانہ ہونے سے قبل اسکول میں ایک پُرنور دعائیہ تقریب کا انعقاد کیا گیا۔ تقریب کی صدارت جناب سید مجیب صاحب، بی۔ای۔او (اردو) نے فرمائی، جبکہ نظامت کے فرائض ہیڈماسٹر الطاف احمد نے انجام دیے۔ اس موقع پر مدرسہ ہٰذا کے سابق میرِ مدرسین ڈاکٹر فصل اللہ انترجامی، سید نظام الدین صاحب، اور مدرسۂ دینات کے ہیڈماسٹر جناب کے۔ بابو صاحب مہمانِ خصوصی کی حیثیت سے شریک ہوئے۔ پروگرام کا آغاز حافظ کفیل کی خوش الحان تلاوتِ کلامِ پاک سے ہوا۔ جناب کریم باشاہ صاحب نے استقبالیہ پیش کیا، جس کے بعد مختلف مقررین نے اپنے خیالات کا اظہار کیا۔ مقررین نے کہا کہ معلم احسان اللہ رومی کی تعلیمی و...
مزید پڑھیں

بانگی حیات باشاہ صاحب اسکول آمبور میں جشن یوم جمہوریہ۔

تصویر
آمبور (راست)  جناب الحاج بانگی پرویز اکبر صاحب مینیجر وکرسپانڈنٹ کی زیر قیادت تعلیمی میدان میں سرگرم عمل بانگی حیات بادشاہ صاحب اسکول میں 77 واں یوم جمہوریہ بزیر صدارت ڈاکٹر فضل اللہ صاحب سابق ہیڈ ماسٹر بانگی حیات بادشاہ صاحب اسکول شاندار پیمانے پر منایا گیاجناب k. الطاف احمد صاحب ،ہیڈماسٹر نے مہمانوں کاپر جوش استقبال کیا جناب ڈاکٹر وای محمد یوسف صاحب رومی بی. ڈی. ایس نے بحثیت چیف گیسٹ شرکت فرمای اور پرچم کشائی فرمائی اور مینجمنٹ ہیڑ ماسٹر اساتذہ کرام کی کار کردگی کی داد دی جناب ایس ایے وصی اللہ صاحب نے بطور خصوصی مہمان شرکت فرمای اور مدرسہ کی بہترین کارکردگی کی تعر یف کی اور جناب پرویز اکبر صاحب مینیجر وکرسپاننڈنٹ ، جناب کے. الطاف احمد صاحب ہیڈ ماسٹر اور اساتذہ کرام کی خدمات کو سراہا مدرسے کے بچوں نے بزبان اردو تمل اور انگریزی بہترین تقاریر فرمائیں اور بہترین پروگرامز حب اوطنی کے پیش کیے جناب فضل اللہ صاحب نے یوم جمہوریہ کی اہمیت کو بچوں کے گوش گزار فرمایا اور بچوں کو اساتذہ سمیت بانگی حید باشاہ صاحب وقف مارکیٹ کو visit ک...
مزید پڑھیں

پرنام بٹ اردو اکیڈمی کے ماہانہ مشاعرے کی پہلی نشست منعقد

تصویر
پرنام بٹ اردو اکیڈمی کے ماہانہ مشاعرے کی پہلی نشست منعقد پرنام بٹ (نمائندہ خصوصی) — پرنام بٹ اردو اکیڈمی کے زیرِ اہتمام ماہانہ مشاعرے کی پہلی نشست بروز جمعہ، 26 دسمبر 2025ء، بعد نمازِ مغرب TIET ہال، پرنام بٹ میں منعقد ہوئی۔ ادبی ذوق و شوق سے لبریز اس محفل کی صدارت عالی جناب مولانا حافظ عبدالحمید صاحب عرشی نے فرمائی، جب کہ نظامت کے فرائض مولانا شاکر احسن باقوی نے انجام دیے۔ تقریب کے مہمانِ خصوصی پروفیسر آوارم عبدالحکیم صاحب تھے۔ تقریب کا آغاز تلاوتِ کلامِ پاک اور نعتِ رسولِ مقبول ﷺ سے ہوا، جس کے بعد شعرا نے اپنے منتخب کلام سے سامعین کو محظوظ کیا۔ جامعہ دارالاسلام عمرآباد سے تشریف لانے والے طلبہ شعرا اور مقامی شعرا میں مولانا حافظ عبدالحمید عرشی، ابراہیم ابوبکر فارسی عمری، شاکر احسن باقوی، شفیق احمد شفیق اور ایک طالبِ علم شامل تھے۔ شہر وانمباڑی سے تشریف آور شعرا میں گلزار احمد کاشف، ہدایت اللہ حاضر، امتیاز احمد امتیازی، عطا الرحمن عطا، نمازی عبدالکریم عارف شامل رہے۔ اس موقع پر گلزار احمد گلزار نے  استاد شاعر کا  کلام سنا کر محفل کو مزید جِلا بخشی۔ آخر میں اب...
مزید پڑھیں