شہر اردو SHEHAR E URDU

مزدوروں کا عالمی دِن یکم مئی اور اُردوشاعری   محمدیوسف رحیم بیدری، بیدر، کرناٹک  مزدور کے معنی گوگل پر اجرت، محنتانہ یادیہاڑی پر کام کرنے والا محنت کش شخص کے بتائے گئے ہیں۔ آگے لکھاہے ”وہ شخص جو جسمانی مشقت کے بدلے روزی کمائے۔ جیسے تعمیراتی کام کرنے والا، قلی، یاجفاکش آدمی“ایک معنی غیرمہارتی یادستی کام کرنے والے کے بھی بتائے گئے ہیں۔ ویکی پیڈیا نے مزدور کے معنی ایک ہی جملے میں دئے ہیں، وہ یہ کہ ”مزدور:روزی کے لئے ایسا کام کرتاہے جس میں غیرمہارت کے دستی پیشے شامل ہیں“البتہ اس نے پھاؤڑا لئے ہوئے ایک شخص کی تصویر کے اوپر مزدور لکھ کر نیچے انگریزی میں لکھاہے۔Heavy equipment operator, Ironworker, Cement Mason, Carpenter, Teamster, Hod, Carrierدئے گئے ہیں۔ فرہنگ عامرہ میں مزدور کے معنی ”مزدوری کرنے والا“ (ص573) دئے گئے ہیں۔ لغات کشوری میں بھی یہی معنی درج ہیں (ص457) شبد کوش (انگلش اردو ڈکشنری) میں تین معنی درج ملتے ہیں (۱) مزدور برائے مرمت Fixer, mender, repairer(۲) جفاکش، قلی، محنت کش، محنتیtoiler (۳) کامگار، محنت کش۔ دیگر ویب سائٹس پر مزدور کی ایک تعریف میں worke...

*ہلکٹہ شریف میں اعراس شریف کے انتظامات کوقطعیت*- ہلکٹہ شریف-28 / اپریل  ( مولانا محسن پاشاہ ) ہلکٹہ شریف ضلع گلبرگہ شریف کرناٹک میں اعراس مبارک کی روح پرور تقریبات نہایت عقیدت و احترام کے ساتھ منعقد ہونے جا رہی ہیں۔ اس موقع پر 87 / واں عرسِ مبارک ولیہء کاملہ صوفیہ باصفا حضرتہ سیدہ حفیظہ بی بی یمانیؒ اور 15واں عرس حضرت خواجہ سید ابراھیم شاہ قادری چشتی یمانی بندہ نوازؒ کا اہتمام کیا جا رہا ہے ، جس میں ملک بھر سے عقیدت مندوں کی بڑی تعداد کی شرکت متوقع ہے۔اعراس مبارکہ کی تقریبات 7 مئی 2026 بروز جمعرات سے آغاز ہونگی ، جس میں بعد نماز عصر صندل شریف اور مختلف روحانی محافل کا انعقاد ہوگا۔ جبکہ 8 مئی 2026 بروز جمعہ کو اہم پروگرام منعقد ہونگے، جن میں محفلِ قرآن خوانی ، عظیم الشان جلسہء عظمت اولیاء اللہ سے ملکی سطح بالخصوص شُہرہء آفاق جامعہ نظامیہ حیدرآباد کے ممتاز علماء کرام مشائخ عظام کے خطابات ہونگے،دعا و سلام بھی شامل ہیں۔ رآت میں خصوصی محفلِ ذکر و نعت شریف اور روحانی اجتماعات کا بھی اہتمام کیا جائے گا ۔ اس با برکت موقع پر سجادہ نشین و متولی ہلکٹہ شریف کی زیر نگرانی انتظامات م...

*محکمہ تعلیم کے ڈائریکٹر جناب کنپن کے تہنیتی پیغام کے ساتھ سبکدوش ہونے والے اساتذہ کے اعزاز میں ایک شاندار تقریب* تاریخ: 29 اپریل 2026 *ویلور اردو سرکل کے اسکولوں میں تعلیمی سال 2025-2026 کے دوران سبکدوش ہونے والے اساتذہ اور ریاستی ایوارڈ یافتہ اسکولوں کے اساتذہ کے اعزاز میں ایک شاندار تقریب کا انعقاد کیا گیا*۔ یہ تقریب آج بروز بدھ 29 اپریل 2026 کو صبح 10 بجے گڈی یاتھم روٹری سنگھ عمارت میں منعقد ہوئی۔ اس تقریب کا اہتمام ویلور اردو سرکل کے تمام اسکولوں کے اساتذہ کی جانب سے کیا گیا۔ اس موقع پر ضلع ابتدائی تعلیمی افسر جناب کیساون کی صدارت میں تقریب منعقد ہوئی۔ پروگرام کا اختتام محکمہ تعلیم کے ڈائریکٹر جناب سا کناپن کے تہنیتی پیغام کے ساتھ عمل میں آیا۔ تقریب میں اساتذہ کی خدمات کو سراہا گیا اور ان کی تعلیمی میدان میں گراں قدر خدمات کو خراجِ تحسین پیش کیا گیا۔

گرو نانک پبلک اسکول کی طالبہ کی ادبی پیش رفت: نفسیاتی تھرلر 'De Bound by a Silent Thread' منظرِ عام پر بیدر۔ 29/اپریل (محمدیوسف رحیم بیدری) شہر بیدر کے معروف تعلیمی ادارے گرو نانک پبلک اسکول کی دسویں جماعت کی طالبہ اندرا کھوبا نے ایک نفسیاتی فنتاسی تھرلر ناول تحریر کر کے ادبی حلقوں میں اپنی صلاحیتوں کا لوہا منوا لیا ہے۔ ان کی اس کتاب کا عنوان De Bound by a Silent Thread: Some Lives Are Never Meant to Be Separated ہے، جو کہ اسرار و رموز اور گہرے انسانی جذبات کی عکاسی کرتی ہے۔ یہ کتاب اب عالمی آن لائن پلیٹ فارم ایمیزون پر بھی دستیاب ہے۔اس شاندار کامیابی پر اسکول انتظامیہ کی جانب سے ایک خصوصی تقریب کا انعقاد کیا گیا جس میں کامیاب طالبہ کی حوصلہ افزائی کی گئی۔ادارے کی نائب صدر ڈاکٹر ریشما کورنے طالبہ کو اس بہترین ادبی کارنامے پر تہہ دل سے مبارکباد پیش کی اور اس کے روشن مستقبل کے لیے نیک تمناؤں کا اظہار کیا۔ اس موقع پر اندرا کے والدین کے علاوہ ڈین بی ہنومان، پرنسپل نلنی ڈی جی اور امجد علی نے شرکت کی اور طالبہ کی محنت کو سراہا۔اپنی کامیابی پر گفتگو کرتے ہوئے اندرا کھوبا ن...

محلہ فیض پورہ کی جانب سے عبدالسلیم صدر مدرس کاوداعیہ، *وزیربلدیہ اور حج رحیم خان نے 8/جماعتیں تعمیر کرنے کاوعدہ کیا* بیدر۔ 29/اپریل (محمدیوسف رحیم بیدری) جناب عبدالسلیم صدر مدرس سرکاری اردو/انگریزی ہائیرپرائمری اسکول فیض پورہ بیدر 30/اپریل کو اپنی ملازمت سے پوری طرح رخصت ہوں گے۔ اس موقع پر 28/اپریل کی شب ایک تقریب فیض پورہ سرکاری اردو اسکول میں منعقد ہوئی جہاں جناب عبدالسلیم صدرمدرس کو اہل محلہ(اولیائے طلبہ وطالبات) نے وداع کیا۔ ان کی خدمات کی ستائش کی۔ اس تقریب میں کارپوریٹر محمد اعظم خان شریک رہے۔ لیکن اس سے بڑھ کر وزیر بلدیہ اور حج جناب رحیم خان نے شرکت کی۔جناب رحیم خان نے عبدالسلیم صدر مدرس کے وداعیہ کو ایک اچھے صدر مدرس کا وداعیہ قرار دیا۔اس موقع پر جناب اعظم خان نے وزیربلدیہ اور حج کو بتایاکہ اسی اسکول میں این جی اوز کے توسط سے ٹیلرنگ اور مہندی ڈیزائن سکھاتے ہوئے 300خواتین کی جناب عبدالسلیم صاحب نے کاروباری مدد کی۔ آج اس میں سے کئی ایک خواتین اپنے پاؤں پر کھڑی ہیں۔ جناب عبدالسلیم صاحب صدر مدرس نے وزیر بلدیہ اور حج کو بتایاکہ اس اسکول میں اردو طلبہ کی سب سے زیادہ تعداد...

*السلام علیکم ور وب* ماشاء اللہ بہت عمدہ گفتگو رہی. میں اللہ رب العزت کے بعد *اتحاد نیوز* کی آن بان شان جناب *اقبال جکاتی صاحب* کا ممنون ہوں کہ انہوں نے محترم سلیم عباس دیسائی سر کو ہم سے متعارف کروایا. اس طرح کے پروگرامات واقعتاً ادبی دنیا کا اثاثہ ہیں . *پروفیسر سلیم عباس دیسائی سر* کی خدمت میں *دلی مبارک باد* پیش کرتا ہوں کہ آپ نے اپنے تعلیمی دور سے ہی کاکلِ اردو ادب سنوارنے میں اپنا بیش بہا تعاون فرماتے آرہے ہیں. *ریڈیو دنیا* کے حوالے سے آپ نے بہت سی مقبولیت حاصل کی اور آپ کی تخلیقات نشر ہوتیں رہیں، سن اور جان کر بہت اچھا لگا. بالخصوص *ہار کی چوری* اور *اصلی مکان* کی طباعت و اشاعت نیز اجرا پر ڈھیروں مبارکباد. اللہ آپ کو مزید ترقی عطا فرمائے اور آپ کے *شعری مجموعہ* کو جلد از جلد فوراً سے پیشتر منظر عام پر لائے. آمین.  *اللہ کرے زورِ قلم اور زیادہ* *خیر اندیش*  *سید یاسین راہی بلگام*

متحدہ اردو تنظیم ٹرسٹ، چینیء، تملناڈو  کے زیر اہتمام سمر اردو کورس کا افتتاحی اجلاس اور اعزازی تقریب بروز اتوار 26.4.26 کی شام 7 بجے بی یم کنوینشن ہال میں اعلان کے مطابق ڈاکٹر ص نذیر محمد ہال، چینیء 5 میں سمر اردو کورس کا افتتاحی اجلاس عمل میں آیا۔  قرآن کریم کی آیات سے جناب ساجد حسین‌ ندوی صاحب نے اغاز کیا۔ نعتیہ کلام محمد روح اللہ ماہر مدراسی صاحب نے پیش کیا۔  استقبالیہ تقریر عبد الرحیم پٹیل صاحب نے اور مہمانوں کا تعارف شاہد مدراسی نے کیا۔  مرحوم‌ یعقوب اسلم صاحب کے ترانہء اردو کو فاضل شریف نے بہت اچھے انداز میں پیش کیا۔ نظامت کے فرائض ڈاکٹر غیاث احمد صاحب کے ذمہ رہے۔ صدر محفل محترم محمد روح اللہ صاحب نے اپنی صدارتی تقریر میں اردو کی اہمیت پر روشنی ڈالتے ہویے سمر اردو کورس کے افتتاح کا اعلان کیا۔  مقررین میں ڈاکٹر حیات افتخار صاحب، محترمہ ڈاکٹر پروین فاطمہ، ڈاکٹر سید رفیق باشاہ صاحب اور ڈاکٹر امان اللہ یم بی صاحب نے طلباء و طالبات سے خطاب کرتے ہویے اردو سے جڑنے کو خوش آیند بات کہا اور چھٹیوں کے موقعہ پر اس کورس کا فائدہ اٹھانے کی طرف زور دیا۔ ڈاکٹر...

اردو میڈیم کی طالبہ لاونیاکی دہم جماعت کے اُردو پرچہ میں صد فیصد نشانات سے شاندار کامیابی، یارانِ ادب اور مسلم سماج بھالکی کی جانب سے اعزاز بھالکی۔ 27/اپریل(نامہ نگار) بھالکی کی ہونہار طالبہ لاونیا بنت گنڈپا کو اُردو مضمون میں غیر معمولی کامیابی حاصل کرنے پر یارانِ ادب بھالکی اور مسلم سماج بھالکی کی جانب سے حسینی مسجد بھالکی کے احاطہ میں 26/اپریل اتوار کی سہ پہر ایک پروقار تقریب میں ”محمد عطا اللہ ایوارڈ“،سر  ٹیفکیٹ اور 11,000 روپے نقد انعام سے نوازا گیا۔اس موقع پر جامع مسجد بھالکی کے امام و خطیب حضرت مولانا جلال الدین صاحب، یارانِ ادب بیدر کے سکریٹری جناب محمدیوسف رحیم بیدری، ریٹائرڈ بی سی او ڈائریکٹر جناب عنایت علی شندے، ”کروٹا“ (KRUTA) کے صدر جناب انصار اللہ بیگ، جناب محمد اسلم صاحب مدرس، ایڈوکیٹ بابو راؤ گاما، تعلقہ کانگریس کمیٹی کے صدر شیخ نصیر الدین اور صدر حسینی مسجد جناب سلیم چوہدری کا شال پوشی اور گل پوشی کے ساتھ والہانہ استقبال کیا گیا۔ مقررین کے خطاب کے اہم نکات:۔ جناب انصار اللہ بیگ (صدر کروٹا) نے کہا کہ لاونیا نے اُردو میں اعلیٰ نمبرات حاصل کر کے یہ ثابت کر...

*علم و عرفان کی محفل میں اھدِنَا الصِّرَاطَ الْمُسْتَقِيمَ کی روح پرور تشریح* *اولیاء کرام کی پیش گوئی کا تذکرہ* دھارور،ضلع وقارآباد-27/ اپریل (پریس نوٹ) ایک روح پرور علمی و عرفانی نشست کل رآت خانقاہ غازیہ مرتضایہ ابراھیمیہ روبرو قدیم پٹرول پمپ دھارور ضلع وقارآباد ،میں خطیبِ مقبول حضرت مولانا الحاج مفتی محمد آصف رضا اشرفی غازیہ بندہ نوازیہ بھاگلپور بہار نے سورۂ فاتحہ کی عظیم آیت "اھدِنَا الصِّرَاطَ الْمُسْتَقِيمَ" پر نہایت مدلل اور بصیرت افروز خطاب فرمایا۔ انہوں نے قرآن حکیم، احادیث نبوی ﷺ اور اقوالِ سلف کی روشنی میں واضح کیا کہ صراطِ مستقیم دراصل انبیاء، صدیقین، شہداء اور صالحین کا راستہ ہے، جیسا کہ قرآن مجید میں ارشاد باری تعالیٰ ہے: "وَأَنَّ هٰذَا صِرَاطِي مُسْتَقِيمًا فَاتَّبِعُوهُ" اور ایک مقام پر فرمایا: "صِرَاطَ الَّذِينَ أَنْعَمْتَ عَلَيْهِمْ"۔ مفتی محمد آصف رضا اشرفی نے اپنے خطاب میں فرمایا کہ بندۂ مومن کی سب سے بڑی دعا یہی ہے کہ اللہ تعالیٰ اسے دینِ حق، سنتِ رسول ﷺ اور اولیاء و صالحین کے راستے پر استقامت عطا فرمائے۔ انہوں نے حدیث پاک ...

ادارہ ادب اسلامی و انجمن خدام الاسلام وانمباڑی میں ماہانہ شعری نشست 26 اپریل 2026 بروز اتوار بعد نماز مغرب اسلامی بیت المال ہال قلعہ وانمباڑی میں ایک رونق افزا شعری نشست کا انعقاد کیا گیا۔ اس محفل کی صدارت حضرت سید رضوان الحق عمری صاحب (سابق نائب میر مدرس اسلامیہ بائز ہائر سیکنڈری اسکول وانمباڑی) نے فرمائی، جبکہ نظامت جناب چولارم عطا الرحمن عطا صاحب نے بھرپور مہارت سے انجام دی۔ محفل کا باقاعدہ آغاز برادرم مسیح اللہ کی قراءت پاک، جناب محمد علی صاحب کی حمد باری تعالیٰ اور برادرم محمد اویس کی نعت مبارکہ سے ہوا، جس نے حاضرین کے دلوں کو معطر کر دیا۔ شعراء کرام میں جناب شاکر احسن باقوی، عبدالکریم عظمت، محی الدین یونس حسینی، الیاس راحت حرارت، عطا الرحمن عطا، نمازی عبدالکریم عارف، اعجاز احمد اعجاز، سید محمد بلال حافظ، اصلپے امتیاز احمد شاد، شفیق احمد شفیق اور ثنان زاور نے اپنے منتخب کلام سے محفل کو رونق بخشی۔ استاد شعراء  کا کلام  فیروز اماں اللہ، اپاپلے محمد بشیر، وانیکار جاوید سلیم، احسان ابن جاذب اور حضرت افروز باشاہ نے پیش کیا، جو خاص طور پر...

اردو مضمون میں صدفیصدنشانات (125) حاصل کرنے پر  دہم کامیاب طالبہ لاونیا بنت گنڈپا کی گلپوشی اور کتابوں کاتحفہ  گلبرگہ۔ 25/اپریل (راست) 25/اپریل 2026؁ء ہفتہ کو محب ِ اردو، سماجی جہدکار، حرکیاتی معاشرتی شخصیت، مؤظف محکمہ ء پولیس جناب خواجہ فریدالدین انعامدار اپنے حرکیاتی فرزند اور سماجی خدمت گار خواجہ سراج الدین انعامدار اوران کی اہلیہ ڈاکٹر امامہ نور کے ہمراہ بذریعہ کار تعلیمی سفر کرتے ہوئے لاونیا (Lavanya) بنت گنڈپا کے مکان کل ہلی تعلقہ الند ضلع گلبرگہ پہنچ کر لاونیا اوران کی والدہ محترمہ کی گلپوشی کرتے ہوئے کتابوں کاتحفہ پیش کیاگیا۔ لاونیا نے اِمسال دہم جماعت کے بورڈ امتحان میں اردو مضمون میں 125نمبرات میں سے پورے 125نمبرات حاصل کئے ہیں، اس مسرت میں یہ گلپوشی کی گئی اور کتابوں کاتحفہ دیاگیا۔ اس سے قبل 26/جولائی 2019، اور 19جولائی 2024؁ء کو بھی دو مرتبہ اسکول جاکر لاونیا کوکتابوں کاتحفہ پیش کرتے ہوئے طالبہ کی ہمت افزائی کی گئی تھی۔ اس دفعہ بھی سماجی جہدکار جناب خواجہ فریدالدین انعامدار نے سب سے پہلے طالبہ کو تہنیت پیش کی اور تحفہ میں کتابیں دی ہیں۔ موصوف نے طالبہ ...

لاونیا نے اردو زبان میں 125میں سے 125نشانات حاصل کئے دیہی علاقہ بھاتمرہ سے ڈسٹنگشن میں کامیاب   بیدر۔ 24/اپریل (محمدیوسف رحیم بیدری) اردو زبان کی خوبصورتی دراصل اس کی آفاقیت میں ہے۔ آفاقیت یہ ہے کہ اس زبان کوسبھی طبقہ اور ملک کے لوگ سیکھیں۔ زبانیں جب افراد، اقوام اور ممالک سے مخصوص ہوجاتی ہیں تو دیرسویر سہی ان کازوال شروع ہوجاتاہے۔یہ بات اہل اردو بھی اچھی طرح جانتے ہیں تاہم تجاہل عارفانہ سے کام لینے میں اردو والوں سے بڑھ کر شایدہی کوئی ملے۔ آج ہم ایک ایسی طالبہ کا ذکر کرنے جارہے ہیں جس نے ایس ایس ایل سی (دہم جماعت) کے بورڈ امتحانات میں صدفیصد نشانات حاصل کرکے ایک ریکارڈ قائم کیاہے۔ طالبہ کانام لاونیا بنت گنڈپا ہے۔ جس نے سرکاری ہائی اسکول بھاتمبرہ تعلقہ بھالکی ضلع بیدر سے 625میں سے 561نشانات (90%) لے کر اسکول میں جہاں ٹاپ کیاہے وہیں اُردو پرچہ میں 125میں سے 125نشانات لے کر کامیابی کے جھنڈے گاڑھے ہیں۔ لاونیا ایس سی ہیں، ان کے والد کنڈکٹر ہیں۔ لاونیا نے سرکاری اسکول میں تعلیم حاصل کی۔اور لاونیا نے اردو میڈیم سے تعلیم حاصل کی اور لاونیا نے دیہی علاقے سے تعلیم حاصل ک...

دہم جماعت میں کامیابی مبارک،  تمام طلبہ کی دنیا وآخرت کے لئے اردو و دکنی شاعر میرؔ بیدری دعاگو  بیدر۔ 23/اپریل (پریس نوٹ) اردو اور دکنی شاعر جناب میرؔبیدری نے ریاست کرناٹک کے دہم جماعت کے بورڈ امتحانات میں کامیاب ہوچکے طلبہ وطالبات کو کامیابی کی مبارک باد پیش کی ہے اور ان کی آئندہ زندگی کے لئے نیک خواہشات کا اظہا رکیاہے۔ میرؔبیدری نے ایک پریس نوٹ میں تمام طلبہ وطالبات سے کہا ہے کہ”عزیز طلبہ وطالبات، آپ کی کامیابی آپ کے لئے ہی نہیں ہمارے سماج اورہمارے ملک بھارت کے لئے بھی اہم ہے۔ کل کو اس ملک کی ذمہ داری آپ کے کندھوں پر ہوگی۔ موصوف نے طلبہ سے کہاکہ دہم جماعت کے بعد کنڑا میڈیم، اردو میڈیم، مراٹھی میڈیم اور ہندی میڈیم طلبہ کو پی یوکالج میں انگریزی (انگلش) سے واسطہ ہوتاہے کیوں کہ تمام مضامین انگریزی میں پڑھائے جاتے ہیں۔ ابتداء میں انگریزی کی وجہ سے کچھ مشکل ہوتی ہے، پھر چھ ماہ بعد سب کچھ نارمل ہوجاتاہے۔ لیکن ا س نارمل اسٹوڈنٹ لائف کے ساتھ ہی ایک اور بات ذہن میں یہ آتی ہے کہ ہماری مادری زبان(کنڑا، اردو، ہندی، مراٹھی وغیرہ) سے پرکشش اورضروری زبان انگریزی ہے۔ اس لئے ہم ص...

عالمی”یومِ کتاب“(23/اپریل2026) WORLD BOOK DAY محمدیوسف رحیم بیدری، موبائل:9845628595 بچہ کی پیدائش کے ساتھ ہی ماں کے دودھ کے ذریعہ اس کی بھوک کوختم کرنے کااہتما م ہوتاہے۔ اسی طرح بچہ جب کھلونوں سے کھیلنے لگتاہے تب اپنی والدہ، والد، یابھائی بہنوں کی کتابیں اس کے مشاہدے میں آتی ہیں جنہیں وہ منہ میں لے کر، پھاڑکریا دیگر طریقوں سے وہ ’کتاب‘سے اپنا رابطہ پہلی دفعہ رکھتاہے۔ اسکول میں داخلے کے ساتھ ہی ’کتاب‘ سے باقاعدہ تعلق پیدا ہوجاتاہے۔ جو عمر بھر جاری وساری رہتاہے۔ یہاں تک کہ جب وہ مرجاتاہے، چاہے وہ جلادیاجائے یازمین کے حوالے کردیاجائے، کوئی نہ کوئی وہاں کتاب کھول کر کچھ نہ کچھ پڑھ کراس کی مغفرت، یا اس کی روح کے سکون کاسامان کرتا نظر آتاہے۔  آج 23/اپریل کو اسی کتاب کادن ہے۔ ساری دنیامیں ”عالمی یوم ِ کتاب“ منایاجارہاہے۔ ہم اردووالے بھی عجیب قوم ہیں، شایدہی کسی دِ ن کومنانے کااعلان کیاہوسوائے ”یوم ِ اردو“ کے اور وہ بھی کہیں علامہ اقبال کے یوم ِ پیدائش 9/نومبرکومنایاجاتاہے تو کہیں ماہ فروری میں منایاجاتاہے۔ یعنی پوری دنیا ایک دن پر متفق بھلے ہوجائے، ہم نااتفاقی پر اتفاق ...

23 اپریل "عالمی یومِ کتاب" کے موقع پر خصوصی مضمون کتابیں واخبارات : فکر و دانش کے پیامبر ان سے رشتہ مستحکم کرناہر فرد کی ذمہ داری مجیدعارف نظام آبادی، ریاض سعودی عرب majeedaarif@gmail.com کتابیں دراصل علم، تخیل اور شعور کے ایسے دروازے ہیں جو انسان کو ایک نئی دنیا سے روشناس کراتے ہیں۔ جب ہم کسی کتاب کو کھولتے ہیں تو گویا ہم ایک ایسے دروازے کو کھول رہے ہوتے ہیں جس کے پیچھے بے شمار کہانیاں، خیالات اور تجربات ہماری منتظر ہوتے ہیں۔ یہی وجہ ہے کہ ہر سال 23 اپریل کو دنیا بھر میں عالمی یومِ کتاب منایا جاتا ہے۔ اس دن کا مقصد انسان کو کتاب اور مطالعہ کی اہمیت سے روشناس کرانا، علم کی ترویج کرنا اور معاشرے میں فکری بیداری پیدا کرنا ہے۔ کتاب محض کاغذ کے چند اوراق کا مجموعہ نہیں بلکہ تہذیبوں، تجربات، خیالات اور علم کا خزانہ ہوتی ہے، جو انسان کو جہالت کے اندھیروں سے نکال کر شعور و آگہی کی روشنی عطا کرتی ہے۔ اخبارات کی اہمیت و افادیت سے بھی انکار نہیں کیا جاسکتا۔ اخبارات ہماری روزمرہ زندگی کا ایک اہم حصہ ہیں۔ یہ ہمیں ملک و دنیا کی تازہ خبروں، حالات و واقعات، سیاسی، معاشی، تعلیمی ...

دکنی زبان بولنے والوں سے گزار ش ہے کہ وہ ”یوم ِ دکنی“ منانے کااہتمام کریں: دکنی شاعر میرؔبیدری کی اپیل  بیدر۔ 21/اپریل (راست) دکنی زبان کے شاعر اورافسانچہ نگار محمدیوسف رحیم میرؔبیدری نے آج 21/اپریل کو ایک پریس نوٹ جاری کرکے ہندوستان کی قدیم زبان ”دکنی“ بولنے والوں سے اپیل کی ہے کہ وہ ”یوم ِدکنی“ منائیں۔ دکنی زبان کی قدامت خود اس کے مضبوط ومستحکم اور ایک تاریخی پس منظر کی گواہی ہے۔ میرؔبیدری نے بتایاکہ دکنی زبان کاآغاز دکن کے مختلف شہروں جیسے گلبرگہ، بیدر، حیدرآباد، یہاں تک کہ ٹمل ناڈو میں ہوا۔ جس کسی کو دکن اور دکنی زبان کی تاریخ سے دلچسپی ہو وہ اس کامطالعہ کرسکتاہے۔ دکنی زبان اردو سے بھی قدیم زبان ہے۔ اور آج بھی یہ زبان تلنگانہ، کرناٹک، آندھراپردیش،ٹمل ناڈو، مہاراشٹرکے علاوہ دیگر ریاستوں کے چند ایک سرحدی اضلاع میں بولی جاتی ہے۔یہ علیحدہ بات ہے کہ اس کی تعلیمی، تدریسی اور ادبی سمت کوسنوارنے کی جانب ہماری کوئی توجہ نہیں ہے۔میرؔبیدری نے بتایاکہ دکنی ایک نہایت ہی فطری اور سادہ زبان ہے۔جس کی دہقانیت نے لاکھوں لوگوں کادل موہ لیاہے۔ میرؔبیدری نے توجہ دلائی کہ پچھلے ہفتہ حید...

غزل  میرؔبیدری، بیدر،کرناٹک  کتنی شہری لڑکیاں بے پردہ ملیں  اتنی پیاری بیٹیاں بے پردہ ملیں  کیسی کیسی چھوریاں بے پردہ ملیں  علم پڑھنے والیاں بے پردہ ملیں  اِس کا ہے افسوس ہم سادہ دِل رہے  دوست تیری دوریاں بے پردہ ملیں  زلف رکھتے تھے لپیٹے، پھر یو ں ہوا سیدھی سادھی انگلیاں بے پردہ ملیں  اُن اِشاروں اورکنایوں سے آگے پھر  آج ڈھیروں گالیاں بے پردہ ملیں  دھیرے دھیرے کہنا پڑتا ہے اب کہ میرؔ شہر کی مجبوریاں بے پردہ ملیں

حضرت شاہ خاموش ؒ۔ بیدر کے معروف صوفی شاعر  محمدیوسف رحیم بیدری، بیدر،کرناٹک  ”دیوانِ غالب“ کے بعد دکن میں ہم نے حضرت شاہ خاموش ؒ کے دیوان کی بابت ہی سنا۔حالانکہ پاکستان کے ارد وشاعر جناب ناصرؔ کاظمی نے اپنے ایک شعری مجموعہ کا نام ”دیوان“رکھ چھوڑا تھا، اس کے باوجود موصوف کا شعری مجموعہ ”پہلی بارش“ا ور دیگر مجموعے مشہور ہیں، دیوان کانام بطور ِ مثال ہی سننے اور پڑھنے میں آتاہے۔کئی دوسرے شعراء بھی اپنے دیوان رکھتے ہیں۔ لیکن ہم نے جو سنا تو حضرت شاہ خاموش رحمتہ اللہ علیہ کے دیوان سے متعلق ہی سنا۔ کل پرسوں میں  حضرت شاہ خاموش رحمتہ اللہ علیہ کاعرس حیدرآباد میں ہوگاکیوں کہ حضرت شاہ خاموش رحمتہ اللہ علیہ کامزارحیدرآباد کے نامپلی میں واقع ہے۔ اسی حوالے سے یہ مضمون قلمبند کیاجارہاہے تاکہ پتہ چل سکے کہ ایک صوفی بزرگ شاعر کون تھے اوران کی شاعری کن حالات کی پیداواررہی۔ کون سے مضامین انھوں نے اپنی شاعری میں باندھے۔ 1204؁ہجری میں پیداہونے والے بزرگ شاعرکااللہ تعالیٰ 1447؁ہجری(یعنی243ہجری سال اور سال عیسوی کے مطابق 237سال)تک نام باقی رکھاہواہے تو کیوں کر؟اس پر شعراء ک...

نشان منزل کے صحافی  کو اعزازی ڈاکٹریٹ ہم سب کے لۓ خوش خبری ۔۔۔۔‌ میرے اور آپ سب کے ہردلعزیز شخصیت جناب محترم   عبدالباری صاحب وانمباڑی ، ایڈیٹر " نشان منزل"ماہنامہ ، کو کون نہیں جانتا ؟ ہمارے ضلع رانی پیٹ  ترپاتور ، ویلور و چننئ وغیرہ کے علمی، رفائ و صحافتی ، کاموں میں وہ ہمیشہ آگے رہنے والے۔ آپ کو حکومت کی جانب سے آپ کی صحافتی اور عوامی خدمات کے اعتراف میں اعزازی ڈاکٹریٹ ۔۔۔۔۔۔۔ (Honorary Doctorate) کی باوقار سند عطا کۓ جانے پر دل کی گہرائیوں سے مبارکباد پیش کرتے ہیں۔  یہ اعزاز درحقیقت آپ کی انتھک محنت ،دیانتداری اور قوم و ملت کے لئے بے لوث خدمات کا اعتراف ہے۔ آپ نے صحافت کے میدان میں  حق و صداقت کی آواز بلند کرتے ہوئے نہ صرف  عوام کی رہنمائی کی بلکہ ملی شعور کو بیدار کرنے میں بھی نمایاں کردار ادا کیا ہے آپ کی تحریریں جو " نشان منزل" میں شائع ہوا کرتے ہیں ،آنے والی نسلوں کے لئے مشعل راہ ہیں ۔ ہم دعاگو ہیں کہ اللہ تعالیٰ آپ کو صحت و تندرستی عطا کرے    ،آمین ! اور مزید کامیابیوں سے نوازے ، اور آپ کو اسی جذبے کے ساتھ قوم و ملت کی خد...

مسلمانوں کا سیاسی شعور اور ہماری ذمہ داری:مبشرسندھے  بیدر۔ 19/اپریل (محمدیوسف رحیم بیدری) ویلفیرپارٹی آف انڈیا بیدر کے صدر جناب مبشرسندھے نے کہاہے کہ مسلمانوں میں سیاسی شعور کا مطلب صرف الیکشن کے وقت ووٹ دینا نہیں ہے، بلکہ اصل شعور یہ ہے کہ الیکشن کے بعد بھی منتخب نمائندوں سے اپنے حقوق اور اپنی برادری کی ترقی کے لیے مضبوطی کے ساتھ مطالبہ کیا جائے۔بدقسمتی سے ہم اس میدان میں کافی کمزور نظر آتے ہیں۔ ہمارے اکثر سیاسی اور مذہبی رہنما صرف الیکشن کے دوران ہی ہمیں سیاسی شعور کی باتیں بتاتے ہیں، اور خاص طور پر ہمیں کسی ایک پارٹی کے خلاف ڈرا کر ووٹ دینے پر آمادہ کرتے ہیں۔ ہم ان کی باتوں میں آکر ووٹ دے دیتے ہیں اور بعض اوقات کسی پارٹی کو کامیاب بھی بنا دیتے ہیں، لیکن الیکشن کے بعد وہی رہنما اور باشعور افراد پانچ سال کے لیے غائب ہو جاتے ہیں۔اگر ہم دیگر برادریوں، جیسے لنگایت کمیونٹی کو دیکھیں تو ان کا سیاسی شعور بہت مضبوط ہے۔ وہ صرف الیکشن سے پہلے ہی نہیں بلکہ الیکشن کے بعد بھی ہر پارٹی کے ساتھ رابطہ رکھتے ہیں اور اپنی برادری کے مفادات کے لیے مسلسل جدوجہد کرتے ہیں۔ یہی وجہ ہے کہ وہ...

بسونا۔ لنگایت دھرم کے بانی اور کنڑی زبان کے مصلح شاعر محمدیوسف رحیم بیدری، موبائل:9845628595    ایچ تپے رُدرے سوامی کی ساہتیہ اکیڈمی دہلی کی جانب سے 1975؁ء میں ایک انگریزی کتاب ”بسویشور“ کے نام سے شائع ہوئی۔ اس کے آخری صفحہ پر ساہتیہ اکیڈمی نے بسویشورکاتعارف کراتے ہوئے لکھاہے کہ ”بسویشور جنہیں بسونّا کے نام سے بھی جانا جاتا ہے، ہندوستان کے عظیم روحانی پیشواؤں میں سے ایک ہیں۔ ایک انقلابی سنت، کنڑ زبان کے عظیم شاعر، معروف صوفی اور ایک سرگرم سماجی مصلح کے طور پر، انہیں کرناٹک میں ایک نئے دور کا پیغامبر قرار دیا جاتا ہے۔تقریباً 1131عیسوی میں ایک خوشحال برہمن خاندان میں پیدا ہونے والے سنت بسویشور نے ویدوں، اپنشدوں، پرانوں اور دیگر مذہبی کتب کا مطالعہ کیا لیکن ان کی زندگی بھر کی جدوجہد ذات پات کی تفریق کو ختم کرنا تھی۔ انہوں نے عام آدمی اور معاشرے کے پسماندہ طبقات کو روحانی معرفت کی بلندیوں تک پہنچایا“ ان کی معروف کنڑی صنف”وچن“کے بارے میں اکیڈمی آگے لکھتی ہے کہ ”وچن“ (Vachana) جس کا لفظی مطلب نثر (دیگر معنی بھی ہوسکتے ہیں)ہے، بسویشور کے ہاتھوں ایک نئی توانائی کے س...

ادارہ ادب اسلامی آمبور : شعری نشست   18 اپریل 2026 بروز ہفتہ بعد نماز مغرب ادارہ ادب اسلامی آمبور کی جانب سے IIC کوٹے بنگلہ آمبور میں ایک رونق افزا شعری نشست کا انعقاد کیا گیا۔ اس محفل کی صدارت جناب گلزار احمد کاشف صاحب نے فرمائی، جبکہ نظامت اپاپلے اشفاق احمد صاحب نے بھرپور مہارت سے انجام دی۔ محفل کا باقاعدہ آغاز آصف نعمان صاحب کی قراءت پاک اور عبدالکریم عظمت صاحب کی نعت مبارکہ سے ہوا، جس نے حاضرین کے دلوں کو معطر کر دیا۔ شعراء کرام میں جناب گلزار احمد کاشف، عبدالکریم عظمت، ہدایت اللہ حاضر، امتیاز احمد امتیازی، عبدالرحیم سحر، نمازی عبدالکریم عارف، اعجاز احمد اعجاز، عطا الرحمن عطا، سید محمد بلال حافظ، اصلپے امتیاز احمد شاد اور محمد زیان صاحب نے اپنے منتخب کلام سے محفل کو رونق بخشی۔ استاد شعراء میں اپاپلے اشفاق احمد، وانیکار جاوید سلیم اور آصف نعمان صاحب شامل تھے، جن کا کلام خاص طور پر سراہا گیا۔ آخر میں نمازی عبدالکریم عارف صاحب کے ہدیہ تشکر کے کلمات سے اس خوبصورت محفل کا اختتام ہوا۔

داونگیرے ضمنی انتخاب اور مسلم کمیونٹی: ایک تجزیہ تحریر: لبید شافی۔ بنگلور 9743743118 داونگیرے جنوبی حلقے کے ضمنی انتخاب میں ممکنہ شکست کی ذمہ داری نتائج آنے سے پہلے ہی مسلم کمیونٹی پرکانگریس پارٹی کا ڈالنے کی کوشش کرنا واقعی افسوسناک ہے۔ ایک طرف بی جے پی ہے جو مسلمانوں کو ایک بھی سیٹ نہیں دیتی، اور اگر بجٹ میں مسلمانوں کے لیے کسی اسکیم کا اعلان کیا جائے تو اسے ”صاحب کا بجٹ“ کہہ کر اس کا مذاق اڑاتی ہے اور ہمیشہ مسلمانوں کو مجرم کے کٹہرے میں کھڑا کرنے کی کوشش کرتی ہے لیکن اس بار بی جے پی مسلم کمیونٹی پر بے پناہ محبت نچھاور کر رہی ہے اور اپنی انتخابی مہم کے دوران مسلمانوں کے ساتھ بڑی ہمدردی کا اظہار کر رہی ہے۔اس معاملے میں کانگریس اور بی جے پی کے درمیان کوئی خاص فرق نظر نہیں آتا۔ بی جے پی مسلمانوں کو سیاسی طور پر غیر متعلق (Irrelevant) ثابت کرنے کی کوشش کر رہی ہے، جبکہ کانگریس نے داونگیرے میں اسے عملی طور پر کر کے دکھا دیا ہے۔ یہاں ایسا رویہ واضح طور پر نظر آ رہا ہے کہ مسلمانوں کو سیاسی فائدہ نہیں اٹھانا چاہیے، انہیں اپنی نمائندگی کا مطالبہ نہیں کرنا چاہیے، اور جو کچھ (ٹکڑے) ہ...

اسد سلیم۔ طلبہ کامعلم محمدیوسف رحیم بیدری، بیدر،کرناٹک  دونام جوڑ کرانھیں اپنا لینا برصغیر کا عام چلن ہے۔اور اس عمل میں دونوں نام اسی شخص کے ہوتے ہیں، ایسا نہیں کہ پہلا نام اپنا او ردوسرانام اپنے والد کا ہو۔مسلمانوں میں دونوں نام ایک ہی شخص کے رکھنے کاچلن عام ہے۔ جیسے صابرعالم،احمد ممتاز، خالد سعید، یوسف رحیم وغیرہ وغیرہ۔ اسدسلیم بھی ایساہی نام ہے۔ لیکن میں نے سجادسلیم، حامد سلیم، سلیم محی الدین وغیرہ نام توپڑھے ہیں لیکن آج تک”اسدسلیم“ جیسانام پڑھنے یاسننے کونہیں ملا۔  گویا میری معلومات کی حدتک اسدسلیم ایک ہی نام کا شخص ہے اور وہ حسن ِ اتفاق سے میرادوست ہے۔ ہائی اسکول میں ہوئی دوستی اب تک بفضل ِ الٰہی چل رہی ہے۔ چاردہائیوں پرمشتمل دوستی کو دوستی سے بڑھ کر بھی کچھ ہوناچاہیے۔ یعنی رشتہ داری وغیرہ میں بدلنا چاہیے، ایسا نہیں ہوسکاہے۔ مستقبل میں کیاہوگارب جانے۔  اسدسلیم بنیادی طورپر ایک جذباتی شخص ہے اور اس کے جذبات خلوص کی مٹی سے گوندھے ہوئے ہیں۔وہ اپنے پاکیزہ اورمعصومانہ جذبات کی بناپر اپنے عقیدہ کی حفاظت کرنا جانتاہے اورکسی کی عقیدت کوٹھیس پہنچائے بغیر یہ...