*572 ویں سالانہ عرسِ شریف تقاریب حضرت سید دادے شاہ پیرؒ قادری نارائن پیٹھ کے پروگرامس کے ملٹی کلر وال پوسٹرز کی رسم اجراء*-

*572 ویں سالانہ عرسِ شریف تقاریب حضرت سید دادے شاہ پیرؒ قادری نارائن پیٹھ کے پروگرامس کے ملٹی کلر وال پوسٹرز کی رسم اجراء*-
*سجادہ نشین حضرت سیدشاہ  محسن  احمد قادری کا صحافتی بیان جاری*-
نارائن پیٹ - 22 / مئی ( مولانامحسن پاشاہ )تلنگانہ اور کرناٹک کے بارڈر کے درمیان میں واقع آستانۂ عالیہ قادریہ ،مستقر ضلع نارائن پیٹ میں جگر گوشہء حضور پیران پیرؓ قطب الاقطاب حضرت سید شاہ غلام احمد قادری المعروف حضرت دادے شاہ پیرؒ کے 572 ویں سالانہ عرسِ شریف تقاریب  نہایت شان و شوکت اور مذہبی عقیدت کے ساتھ منعقد ہونگی۔سجادہ نشین و متولی بارگاہ حضرت سید دادے شاہ پیر قادریؒ رہبر شریعت  پیر طریقت حضرت مولانا قاری سید شاہ محسن احمد قادری المعروف سید محسن بابا حفظہ اللہ نے آج ملٹی کلر دیدہ زیب خوبصورت کمپیوٹر طباعت وال پوسٹرز کی رسم اجراء انجام دینے کے بعد اخباری نمائندوں سے بات چیت کرتے ہوئے کہاکہ سہ روزہ عرس شریف تقاریب کو قطعیت دے دی گئی ہے حسب عمل در آمد قدیم سہ روزہ تقاریب عرس شریف کی تفصیلات بتاتے ہوئے کہاکہ ان شآءاللہ عزوجل تقریبات 11 ذوا الحجۃ الحرام 1447ھ مطابق 29 مئی 2026ء بروز جمعہ بعد نماز عشاء صندل شریف سے آغاز ہونگی۔انہوں نے کہاکہ 12 ذوالحجۃ الحرام 30 مئی بروز ہفتہ چراغاں کی روح پرور تقریب منعقد ہوگی جبکہ 13 ذوالحجہ 31 مئی بروز اتوار بعد نماز فجر زیارت شریف کا اہتمام کیا جائے گا۔ اس موقع پر زائرین اور عقیدت مندوں کیلئے حسب روایت قدیم لنگرِ نیاز اور اصلی گھی وگُڑ کی بہترین کھیر منوں کی کھیر کا بھی خصوصی انتظام رکھا گیا ہے۔ عظیم الشان جلسہء عظمتِ اولیاء اللہ سے مہمان خصوصی بر صغیر کے ممتاز عالم دین شہنشاہ خطابت فخر نظامیہ حضرت علامہ الحاج سید شاہ عزیز اللہ قادری نقشبندی مجددی افتخاری چشتی جامع السلاسل شیخ العقائد جامعہ نظامیہ حیدرآباد دکن کے علاوہ مقامی علماء کرام حضرت علامہ حافظ مفتی محمد شفاعت علی نقشبندی مولوی کامل جامعہ نظامیہ اور حضرت مولانا قاضی حافظ فاروق بن مخاشن نظامی مولوی کامل جامعہ نظامیہ کے بھی خطابات ہونگے،جلسہ کا آغاز قراءت کلام پاک سے ہوگا، مولانا حافظ سید یونس قادری برادر سجادہ نشین سگر شریف ،جناب محمد امیر الیاس قادری اور حافظ وقاری محمد قتال حسینی کی نعت شریف ہونگی-عرس شریف تقاریب کی سرپرستی پیر طریقت حضرت مولانا الحاج سید شاہ محمد غیاث الدین قادری سجادہ نشین حضرت سید شاہ تقی بابا سبز پوشؒ نارائن پیٹ انجام دے رہے ہیں جبکہ صدارت پیر طریقت حضرت سید شاہ محسن احمد قادری سجادہ نشین متولی بارگاہ حضرت دادے شاہ پیرؒ فرمائینگے ، زیر حمایت حضرت مولانا سید شاہ خلیل احمد قادری برادر سجادہ نشین، زیر نگرانی حضرت سید محمود میاں حسینی صدر درگاہ شریف کمیٹی حضرت سید دادے شاہ پیر قادریؒ اور دیگر علماء کرام  و مشائخ عِظام بھی شریک تقاریب ہونگے ۔ جناب شیخ محمد حسین قادری نظامت کے فرائض انجام دینگے - منتظمین نے تمام عقیدت مندوں ، مریدین اور محبانِ اہلِ بیت و اولیاء اللہ سے شرکت کی اپیل کرتے ہوئے کہا ہے کہ عرس شریف کی تمام تقریبات میں روحانی فیوض و برکات حاصل کرنے کا بہترین موقع فراہم کیا گیا ہے- نوٹ خواتین کے لئے پردہ کا معقول انتظام کیا گیا ہے-

تبصرے

ایک تبصرہ شائع کریں

اس بلاگ سے مقبول پوسٹس

*ہلکٹہ شریف میں اعراس شریف کے انتظامات کوقطعیت*-

تصویر
*ہلکٹہ شریف میں اعراس شریف کے انتظامات کوقطعیت*- ہلکٹہ شریف-28 / اپریل  ( مولانا محسن پاشاہ ) ہلکٹہ شریف ضلع گلبرگہ شریف کرناٹک میں اعراس مبارک کی روح پرور تقریبات نہایت عقیدت و احترام کے ساتھ منعقد ہونے جا رہی ہیں۔ اس موقع پر 87 / واں عرسِ مبارک ولیہء کاملہ صوفیہ باصفا حضرتہ سیدہ حفیظہ بی بی یمانیؒ اور 15واں عرس حضرت خواجہ سید ابراھیم شاہ قادری چشتی یمانی بندہ نوازؒ کا اہتمام کیا جا رہا ہے ، جس میں ملک بھر سے عقیدت مندوں کی بڑی تعداد کی شرکت متوقع ہے۔اعراس مبارکہ کی تقریبات 7 مئی 2026 بروز جمعرات سے آغاز ہونگی ، جس میں بعد نماز عصر صندل شریف اور مختلف روحانی محافل کا انعقاد ہوگا۔ جبکہ 8 مئی 2026 بروز جمعہ کو اہم پروگرام منعقد ہونگے، جن میں محفلِ قرآن خوانی ، عظیم الشان جلسہء عظمت اولیاء اللہ سے ملکی سطح بالخصوص شُہرہء آفاق جامعہ نظامیہ حیدرآباد کے ممتاز علماء کرام مشائخ عظام کے خطابات ہونگے،دعا و سلام بھی شامل ہیں۔ رآت میں خصوصی محفلِ ذکر و نعت شریف اور روحانی اجتماعات کا بھی اہتمام کیا جائے گا ۔ اس با برکت موقع پر سجادہ نشین و متولی ہلکٹہ شریف کی زیر نگرانی انتظامات م...
مزید پڑھیں

بانگی حیات باشاہ صاحب اسکول کے معلم جناب احسان اللہ رومی کے عمرہ سفر پر دعائیہ تقریب

تصویر
بانگی حیات باشاہ صاحب اسکول کے معلم جناب احسان اللہ رومی کے عمرہ سفر پر دعائیہ تقریب   آمبور (نمائندہ خصوصی): بانگی حیات باشاہ صاحب اسکول و مدرسۂ دینات، شہرِ آمبور کے قدیم اور معروف اردو تعلیمی اداروں میں شمار ہوتے ہیں جو بانگی پرویز اکبر صاحب کی سرپرستی میں تعلیمی و دینی خدمات انجام دے رہے ہیں۔ اسی ادارے کے معلم جناب احسان اللہ رومی اپنے اہلِ خانہ کے ہمراہ عمرہ کے مقدس سفر پر روانہ ہونے سے قبل اسکول میں ایک پُرنور دعائیہ تقریب کا انعقاد کیا گیا۔ تقریب کی صدارت جناب سید مجیب صاحب، بی۔ای۔او (اردو) نے فرمائی، جبکہ نظامت کے فرائض ہیڈماسٹر الطاف احمد نے انجام دیے۔ اس موقع پر مدرسہ ہٰذا کے سابق میرِ مدرسین ڈاکٹر فصل اللہ انترجامی، سید نظام الدین صاحب، اور مدرسۂ دینات کے ہیڈماسٹر جناب کے۔ بابو صاحب مہمانِ خصوصی کی حیثیت سے شریک ہوئے۔ پروگرام کا آغاز حافظ کفیل کی خوش الحان تلاوتِ کلامِ پاک سے ہوا۔ جناب کریم باشاہ صاحب نے استقبالیہ پیش کیا، جس کے بعد مختلف مقررین نے اپنے خیالات کا اظہار کیا۔ مقررین نے کہا کہ معلم احسان اللہ رومی کی تعلیمی و...
مزید پڑھیں

دُخترِ اسدالعلماء کے عقد اور ولیمہ مسنونہ میں سینکڑوں علماء مشائخ اور ایڈیٹر اِن چیف روزنامہ منصف الحاج محمد عبدالجلیل صاحب کی شرکت

تصویر
*دُخترِ اسدالعلماء کے عقد اور ولیمہ مسنونہ میں سینکڑوں علماء مشائخ اور ایڈیٹر اِن چیف روزنامہ منصف الحاج محمد عبدالجلیل صاحب کی شرکت* حیدرآباد - 13 / مئی ( اسٹیٹ سماچار ) بھارت سیوا رتن ایوارڈ یافتہ ممتاز عالم دین و نامور سینیئر صحافی اسدالعلماء تنویر صحافت مولانا محمد محسن پاشاہ انصاری قادری نقشبندی مجددی مولوی کامل الحدیث جامعہ نظامیہ و جنرل سیکریٹری کُل ہند سنی علماء مشائخ بورڈ محبوب نگر کی دختر ڈاکٹر لبابہ فاطمہ حفظہااللہ فارم ڈی کا عقد مسعود ڈاکٹر محمد احتشام طاہری قادری حفظہ اللہ اسیسٹینٹ پروفیسر ملاریڈی یونیورسٹی ابن جناب محمد یونس طاہری قادری حفظہ اللہ کے ہمراہ یونیک پیالیس نزد فاطمہ اویسی کالج ، نوری باباؒ درگاہ روڈ ، بنڈلہ گوڑہ میں انجام پایا خطبہء نکاح امیر جامعہ جامعہ نظامیہ مفکر اسلام زین الفقہاء حضرت علامہ مفتی الحاج محمد خلیل احمد صاحب قبلہ قادری و رکن تأسیس کل ہند مسلم پرسنل لاء بورڈ نے پڑھا اور دعا کی - محفل عقدِ نکاح اور ولیمہ مسنونہ میں اولادِامجاد عطائے رسولؐ حضرت خواجہ غریب النوازؒ پیر طریقت رہبرشریعت حضرت مولانا الحاج خواجہ سید غیاث الدین معینی چشتی اج...
مزید پڑھیں